विश्व साईकल यात्री पुष्कर शाह भैरहवा आउदै

भैरहवा । “स्वस्थ्य तथा सम्पदाको प्रर्वद्धनको लागी साईकल यात्रा” भन्ने नारा सहित जेसीआई सिद्धार्थको आयोजनामा हुने साईकल यात्रामा भाग लिन विश्व साईकल यात्री पुष्कर शाह भैरहवा आउने भएका छन् । साईकलमै ७ पटक विश्व भ्रमण गरेका शाहले जेसीजद्वारा आयोजित साईकल यात्रामा पनि भाग लिन भैरहवा आउने भएका हुन् ।

जेसीआई सिद्धार्थको आयोजनामा यहि शनिबार भैरहवा देखी त्रिवेणी धाम सम्म साईकल यात्रा गर्दैछ । सोही यात्रामा शाहले पनि सहभागीता जनाउने आयोजकले जानकारी दिएका छन् ।

यस क्षेत्रका रहेका रामग्राम स्तुपा, त्रिवेणी धाम, गजेन्द्रमोक्ष धाम सहित अन्य सम्पदाहरु बारे प्रवद्र्धन गर्न साईकल यात्रा आयोजना गर्न थालिएको जेसीआई सिद्धार्थका अध्यक्ष मंगल भण्डारीले जानकारी दिए । कार्यक्रमबारे जानकारी दिने उद्देश्यले भैरहवामा आयोजित पत्रकार सम्मेलनमा बोल्दै उनले सम्पदा परिचय संगै स्वास्थ्य र वातावरण संरक्षणमा पनि साईकल यात्राले महत्वपूर्ण भूमिका खेल्ने हुदा साईकल यात्रामा जोड दिईएको बताए ।

यात्रामा भैरहवा, बुटवल, सैनामैना, तिलोत्तमा गरि १ सय बढी साईकल यात्रीले सहभागीता जनाउने कार्यक्रम संयोजक सागर पोखरेलले जानकारी दिए । उनले भैरहवाको बुद्धचोकबाट शनिबार बिहान साढे ५ बजे सुरु हुने साईकल यात्रा नवलपरासीको रामग्राम स्तुपा, भुमहि, बर्दघाट हुदै त्रिवेणीको गजेन्द्रमोक्षधाम पुगेर समापन हुने जानकारी दिए ।

पछिल्लो समय साईकलमा यात्रा गर्नेहरु बढने क्रम रहेको हुदा साईकल यात्रा सम्बन्धि यस्ता आयोजनाले उनिहरुको हितमा महत्वपूर्ण भूमिका निर्वाह गर्ने साईकल सिटी भैरहवाका अध्यक्ष सुर्य सारु मगरले जनाए । उनले अहिले साईकल लेन नभएको अवश्थामा स्थानिय सरकार संगै संघिय सरकारलाई पनि यस्ता यात्राहरुले साईकल लेन छुट्टयाउन दबाब समेत दिने बताए ।

स्वास्थ्य र वातावरण दुवैको लागी साईकल यात्रा अति उपयुक्त रहेको हुदा नजिकको यात्रामा साईकललाई नै प्रयोग गर्न साईकल अभियन्ताहरुले आग्रह गरेका छन् ।

Leave a Reply

Your email address will not be published. Required fields are marked *

Social Share Buttons and Icons powered by Ultimatelysocial