प्रअविरुद्ध खनिए दमकका पत्रकारहरु।

अबिन मेयाङ्बो,दमक,१३ जेठ । दमक ९ स्थित सरस्वती माध्यमिक विद्यालयका प्रधानाध्यापकले विभिन्न सञ्चारमाध्यममा प्रकाशित तथा प्रसारित समाचारको विषयलाई लिएर स्थानीय सञ्चारकर्मीलाई अल्टिमेटमसहितको धम्की दिएको घटनाप्रति यहाँका पत्रकारहरुले विरोध जनाएका छन् ।

नेपाल पत्रकार महासंघसहित विभिन्न पत्रकार सम्बद्ध संघसंगठनले विद्यालयसंग जोडिएको प्रसारित तथा प्रकाशित समाचारलाई लिएर विद्यालयले निकालेको विज्ञप्ति प्रति गंभीर ध्यानाकर्षण भएको जनाउदै स्वतन्त्र प्रेसको अस्तित्वमाथि नै धावा बोलेको प्रति निन्दा समेत गरिएको छ । विभिन्न ६ वटा संगठनका प्रतिनिधिहरुले समाचारको वास्तविकतालाई चित्तनबुझे खण्डन गर्ने ,न्यायिक निकायसम्म जाने कानुनी व्यवस्था हुदाँहुदै विद्यालयले एकहप्ता भित्र प्रमाणसहित हाजिर हुन भनी दिएको आदेशको कडा शव्दमा भत्र्सना गरिएको छ ।
गत जेठ ११ गते दमकको सप्तरंगी एफएम र कमल खबर अनलाइनमा ‘पूरै देश कोरोना संक्रमणसंग जुद्ददै,दमकको सरस्वती माविका प्रधानाध्यापक भने विद्यार्थीको पुस्तकको कमिसन चक्करमा’ भनेर समाचार प्रकाशित तथा प्रसारित गरेको थियो । त्यसलगत्तै जेठ १२ गते विद्यालयले समाचारप्रति खण्डन जनाउदै समाचार लेख्नेलाई एकहप्ता भित्र विद्यालय आउन आदेश दिएको थियो।

त्यस आदेश सार्वजनिक भएलगत्तै आज दमकमा बसेको पत्रकार सम्बद्ध संघसंगठनहरुले घटनाका बारे पत्रकारहरुसंग छलफल गर्दे विद्यालयका प्रअले निकालेको विज्ञप्तिले समग्र सञ्चारकर्मीमाथि हस्तक्षेपसम्मको प्रयास भएको र विज्ञप्ति फिर्ता लिन आग्रह गरिएको जारी संयुक्त विज्ञप्तिमा जनाईएको छ।

ती संगठनहरुले विद्याललयका प्रअले निकालेको विज्ञप्तिले धम्की दिएको भन्दै त्यसको निष्पक्ष छानवीन गर्न समेत नगरपालिकाको शिक्षा शाखालाई अनुरोध समेत गर्ने निर्णय भएको छ । साथै,लकडाउनको समयमा सिंगो देश तहसनहस भएको अवस्थामा सरकारले समेत पुस्तक किनबेच नगर्न,कुनै पनि शीर्षकमा विद्यार्थीहरुवाट शुल्क नलिन निर्देशन गरेकाले स्मरण गराउदै आम अभिभावकहरुले पनि त्यस किसिमका कार्य हुन नदिन सरोकारवालाहरुको ध्यानकर्षण गराउने समेत निर्णय गरेका छन् ।

संयुक्त विज्ञप्तिमा महासंघ प्रदेश १ का सदस्य विमल लामिछाने,महासंघ झापा सदस्य अनिलदेव राई, प्रेस संगठनका जिल्ला सहसंयोजक टिकाराम उप्रेती,नेपाल प्रेस यूनियनका माइपश्चिम अध्यक्ष विष्णु सुब्बा,प्रेस नेपालका संघीय उपाध्यक्ष कमन देवान र महासंघका प्रदेश पार्षद मिन प्रकाश उप्रेतीले हस्ताक्षार गरेका छन् ।

Leave a Reply

Your email address will not be published. Required fields are marked *

Social Share Buttons and Icons powered by Ultimatelysocial